Spjallað í setrinu – opnir viðburðir í Háskólasetrinu í Þingeyjarsveit

Spjallað í setrinu eru óformlegir viðburðir á vegum Rannsóknaseturs Háskóla Íslands í Þingeyjarsveit, í húsnæði þess í Gíg, Skútustöðum, þar sem áhugasömum gefst tækifæri til að spjalla við sérfræðinga um áríðandi málefni samtímans: heyra þeirra sjónarmið, spyrja spurninga og koma með sitt innlegg í umræðuna.

Fyrsta spjallið verður fimmtudaginn 21. nóvember klukkan 17:00 þar sem gestum býðst að spjalla um loftslagskvíða við sérfræðing í kvíðameðferðum. Sóley Dröfn Davíðsdóttir, sálfræðingur og stofnandi Kvíðameðferðarstöðvarinnar, mun þar segja frá sínum athugunum varðandi loftslagskvíða og svara spurningum viðstaddra.

Áhyggjur fólks af loftslagsmálum fara vaxandi og teljast eðlileg viðbrögð við alvarlegri þróun. En getur of mikill loftslagskvíði haft neikvæð áhrif á lífsgæði okkar og jafnvel verið letjandi þegar kemur að því að grípa til aðgerða? Og hvernig er þá best að takast á við hann?

Öll hjartanlega velkomin