Fréttir

Réttur náttúrunnar

Laugardaginn 1. mars kl. 17:00 verður Rannsóknasetur Háskóla Íslands í Þingeyjarsveit með spjall um rétt náttúrunnar í Gíg, Skútustöðum í samvinnu við Huldu.

Þar verður rætt um rétt náttúrunnar frá sjónarhorni heimamanna og í víðara samhengi.

Listamennirnir Angela Snæfellsjökuls Rawlings, Daria Testo og Galadriel Gonzales Romero, fulltrúar hóps er bauð Snæfellsjökul fram sem forseta, halda erindi um þær hugsjónir sem lágu að baki. Sigurður Erlingsson, yfirlandvörður hjá Náttúruverndarstofnun í Mývatnssveit, mun fjalla um sérstöðu Mývatns þegar kemur að rétti náttúrunnar. Ólafur Þröstur Stefánsson og Hjördís Finnbogadóttir kynna sjónarmið Fjöreggs, félags um náttúruvernd og heilbrigt umhverfi í Mývatnssveit. Erindi verða á ensku og íslensku. Boðið verður upp á jöklate. Hægt er að taka þátt í gegnum Teams.

Í tengslum við viðburðinn verður myndbands- og hljóðlistaverk eftir Angelu, Dariu og Galadriel til sýningar í Gíg.

Spjallað í setrinu eru óformlegir viðburðir á vegum Rannsóknaseturs Háskóla Íslands í Þingeyjarsveit, í húsnæði þess í Gíg, Skútustöðum, þar sem tækifæri gefst til að spjalla um áríðandi málefni samtímans: heyra ólík sjónarmið, spyrja spurninga og koma með sitt innlegg í umræðuna.

Viðburðurinn er hluti af Vetrarhátíð við Mývatn og er styrktur af Samfélagssjóði Landsvirkjunar.

Fréttir
Um Huldu
Hvað eru náttúruhugvísindi?
Stofnanir
- Svartárkot menning-náttúra
- Rannsóknasetur Háskóla Íslands
Brúarverkefnið
Fræðatorg
Hafa samband

Fréttir
Um Huldu
Hvað eru náttúruhugvísindi?
Stofnanir
- Svartárkot menning-náttúra
- Rannsóknasetur Háskóla Íslands
Brúarverkefnið
Fræðatorg
Hafa samband

Email

Facebook Instagram Youtube

895-3295
info@hulda-setur.is