Fréttir

Hofstaðir á fornum fimmtudegi

Fimmtudaginn 25. júlí kl. 17:00 verður, í samstarfi við Hið þingeyska fornleifafélag, farið í vettvangs heimsókn í Hofstaði í Mývatnssveit. Hildur Gestsdóttir fornleifafræðingur leiðir þátttakendur um svæðið, segir frá fornleifa rannsóknum og sýnir nýja uppgröftinn.

Það eru fáir staðir á Íslandi þar sem farið hafa fram jafn viðamiklar fornleifarannsóknir og á Hofstöðum. Upphaf rannsókanarstarfs þar má rekja til rannsókna Daniel Bruun á skálanum í Hofstaðatúninu árið 1907. Frá 1992 hefur Fornleifastofnun Íslands, auk fjölmargra samstarfsaðila, unnið rannsóknir þar sem og víðar í Mývatnssveit. Á þeim tíma hefur verið lokið við rannsóknir á veisluskálanum og viðbyggingu hans sem og á kirkjugarði sem tímasetja má til upphaf kristni á Íslandi. Þar að auki hafa farið fram fjölmargar minni kannanir m.a. á bæjarstæði frá víkingaöld sem fannst árið 2016 sunnan við túnin. Í ár verður unnið áfram að rannsóknum á Hofstöðum m.a. á gamla bæjarhólnum en uppröfturinn er hluti af vettvangsnámskeiði fyrir nema í fornleifafræði á vegum Háskóla Íslands, Háskólans á Hólum og Minjastofnunar Íslands.

Fréttir
Um Huldu
Hvað eru náttúruhugvísindi?
Stofnanir
- Svartárkot menning-náttúra
- Rannsóknasetur Háskóla Íslands
Brúarverkefnið
Fræðatorg
Hafa samband

Fréttir
Um Huldu
Hvað eru náttúruhugvísindi?
Stofnanir
- Svartárkot menning-náttúra
- Rannsóknasetur Háskóla Íslands
Brúarverkefnið
Fræðatorg
Hafa samband

Email

Facebook Instagram Youtube

895-3295
info@hulda-setur.is